Boa noite
pequenoslumes!!!
Estamos
no ecuador da semana escolar… J
un pequeniño sprint e un gran fin de semana por diante!!!
Como
recordatorio do día de hoxe… gustaríanos destacar o momento “clase de
habilidades sociais ao aire libre” , o certo é que non estamos nada acostumadas
e acostumados a estas cousas… e que mellor xeito de recordalo que cunhas
imaxes!
Vivimos
nunha sociedade onde as habilidades sociais son sinónimo de comunicación, e o
tempo vainos tan rápido e andamos sempre tan apurados e apuradas que non
paramos a pensar todo o que dicimos sen falar, sen expresar sons, sen facer
ruído, é dicir, todo o que dicimos co noso corpo.
Hoxe
no módulo de Habilidades Sociais, rematamos coa dinámica proposta na clase
anterior pola profesora (chámase Verónica) na cal cada unha de nós e cada un de
nós, tiñamos que falar durante un minuto dun tema que unha compañeira ou
compañeiro escollida/o ao azar nos dicían…
Ao
rematar cada discurso, comentabamos o ben que o fixemos cada unha e cada un de
nós pero todas e todos coincidimos en que o acompañamento de xestos é unha
porcentaxe bastante elevada da comunicación entre as persoas, os xestos son
expresión. A esa comunicación xestual identifícaselle como “comunicación non
verbal”.
Hai pola rede moita información sobre este tema (non toda válida nin
fiable), e de seguro que temos uns meses por diante para aprender moito sobre
el… pero nós consideramos que unha forma cómica e ao mesmo tempo explicativa de
introducirnos nel é o seguinte vídeo:
Apertas
a montóns!
No hay comentarios:
Publicar un comentario